Кывбуррез

***

Пырин сьӧлӧмӧ, некыдз бы он пет

Юрын пыр тэ йылісь дума.

Кошша, ветлӧта, ог адззы ответ

Мый лоӧ мекӧт быд лунӧн?

Адзза кӧр тэнӧ ёркйӧ сьӧлӧм

Чожа пондӧтча лолавны.

Мый эта мекӧт, не я радейтӧм?

Вермас я кинкӧ висьтавны?

Пырин сьӧлӧмӧ, некыдз бы он пет

Юрын пыр тэ йылісь дума.

Тӧда, вежӧрта, тэнӧ ме век

Понда радейтны быд лунӧн.  

      Радейтӧм

Кута киэзнам,

Жагӧн малышта.

Чӧскыт тырппесӧ,

Ёна окышта.

Мича синнэзас,

Сылӧ видзӧта.

Аслам сьӧлӧмӧ,

Бӧбись ёркӧтӧ.

Ме радейта!

Горӧн висьтала.

Сія серӧмтчас,

Да менӧ окалас.

***

Пукала ме гортын да гижа,

Ассим неыджыт кывбур.

Козьнала бы отирлӧ сійӧ,

Мед вӧлі сьӧлӧм вылын бур.