Кык кыв - коми кыв, кык му - Коми му

Кык кыв - коми кыв, кык му - Коми му,

Кык кар - коми кар: Кудымкар, Сыктывкар.

     Олӧны-вылӧны кык коми войтыр (а гашкӧ и ӧти, коді кыдз лыддьӧ), уджалӧны, велӧдчӧны, сёрнитӧны комиӧны (коді овлӧ вунӧдӧ кывсӧ)... Олӧны ордчӧн ӧтамӧдкӧд и зэв ӧткодьыс налӧн, но бара зэв этша кӧн паныдасьлӧны. Да мый ми тӧдам ӧтамӧд йылысь? Перымса комияс зырян комияс йылысь да наоборот. Ми кыдз кык мирын: кык кыв, кык литература, кык му, кык торъя олӧм, быдлӧн аскодь, но ӧткодьыс унджык, не весь кӧдна учёнӧйс лыддьӧны миянӧс ӧти коми войтырӧн.

    Кута, мися, висьтасьны мый тӧдӧны перымса комияс войвывса вокъяс йылысь, думайтӧны, гашкӧ и кажитчас кодкӧлы, а кодкӧ и гижас мый сійӧ ачыс тӧдӧ перымсаяс йылысь. Гижи зырян коми кыв вылын, ог шу мый бура тӧда, но мӧвпала гӧгӧрвоанныд, кӧн сорасьӧм лоас - гижӧ, вежа. 

   Мый миян Перым Коми кытшын тӧдӧны Коми Республика йылысь?

Унджыкыс шуӧны канмусӧ кыдз и эм - Коми Республика, но кор и позьӧ паныдавны важ моз - Коми АССР, весиг ӧти том зонсянь кывлі татшӧм нимсӧ. Сідз жӧ кор и шувлӧны "Северӧн" кыдз и став войвыса муяссӧ. Войтырсӧ шуӧны либӧ "коми-зырянаӧн", либо "зырянаӧн", а просто "коми" шуӧны гежӧда, сідз кыдз лоӧ невежӧртана код йылысь мунӧ сёрниыс, ӧд ми, перымсаяс, тшӧтш комияс. 

   Вӧлі бы туйыс бурджык, гашкӧ и ветлім ӧта-мӧд дорӧ, унджыка да бурджыка тӧдмасим. Китаецъяс, пӧ, мӧдвосянь кутасны керны выль кӧрттуй - Белкомур, позяс и ветлыны сэк перым коми Кӧс да Гайна сиктъяссянь поездӧн Сыктывкарӧдз, али мӧдӧрӧ. Позяс и веськыда Сыктывкарсянь Байкал вылӧ мунны, да и кӧть сійӧ жӧ Китайӧдз.

   Миян лунвывса войтыр ті дорӧ ветлывлӧ либо уджавны, либо гӧститны, либӧ фестивальяс да праздникъяс вылӧ, томъяс Гожся университетӧ, ыдждъяс конференцияяс вылӧ, код кыдз, коді и гӧтрасьны весиг.

Мый тӧдӧны коми (зырянскӧй) литератураысь? 

Ӧти мортӧс кодӧс пыр велӧдісны школаясын перым коми литератураӧн тайӧ Нёбдінса Виттор (Виктор Савин), сылысь повесьт "Шонді петікӧ лымдорчача косьмис" (перым комиӧн) лыддьӧны 8 классысь велӧдчысьяс.

Сідз жӧ неунаӧн быд классын тӧдмасьлыны быдкодь коми-зырянскӧй поэтъяскӧд, босьтам кӧ выль небӧг 9 класслы:

Сідз жӧ позьӧ содтыны, мый уна фольк.колеткивъяс сьывлӧны коми-зырянскӧй сыланкывъяс, кыз напр. "Маръямоль".

Комму. Кор медводдзаысь кылі тайӧ кывсӧ, чуйми. Мый тайӧ татшӧмыс? Оказывается тайӧ менам Перым коми кытшӧм вӧлӧм, кодӧс миянысьясыс шуӧны Коми муӧн, Пармаӧн, Коми округӧн, Коми-Пермяцкӧй округӧн. Ог тӧд код сійӧ нимтіс тадз, но интересно.

Перымса коми. Тадз миян оз шуӧ жӧ, либо "коми-пермяк", либо "коми", а "Перым" нимыс миян моз лоӧ "Перем".

Та вылын ставыс. Мӧд гижӧдас кута гижны миян кывъяс йылысь.